Portal:Wikinews/Gillhoff-Pries för Karl-Heinz Madauß

23. Juni 2008: De Johannes-Gillhoff-Pries geiht dit Johr an Karl-Heinz Madauß. De Mekelbörger ut Parchen kriggt den Pries för siene Romantrilogie Oll Hinning vertellt. Madauß hett den Pries an’n Sünnavend in de Kulturschüün in Glaisin in’e Hannen kregen. Bi de Feststünn hebbt ok Peter Kunze ut Swerin un Wolfgang Thieß ut Parchen de Fritz-Reuter-Medallje kregen.

Oll Hinning vertellt de Geschicht vun en Mekelbörger Knecht to Anfang vun dat 20. Johrhunnert. De Baas vun de Gillhoff-Sellschop, Hartmut Brun, hett de Roman-Reeg sogor mit dat War vun Fritz Reuter vergleken.