Portal:Wikinews/Kosovo verkloort Unafhängigkeit

17. Februar 2008: In Pristina hett de Regeren vun de Autonome Provinz Kosovo un Metochien, betherto Deel vun Serbien, siene Unafhängigkeit as Republiek Kosovo verkloort. All 109 Afornte vun dat Parlament hebbt vundaag dorför stimmt. Ölven Afornte, besünners vun de Serben sünd bi’t Afstimmen aver ut Protest tohuus bleven. Serbien un Russland wüllt de Unafhängigkeit nich goodkennen, de EU hett sik positiver ütert. Op de Straten vun’n Kosovo fiert de Kosovo-Albaners, veel Serben aver weren füünsch un welk wullen ok al över de Grenz. Poor hunnert serbsche Reservisten wullen in Uniform na’n Kosovo. Dör en Sperr vun de serbsche Polizei sünd se dörbraken, aver Sekerheitslüüd vun’n Kosovo hebbt jem denn stoppt.

Ok ene Natschonalhymne un Flagg schall noch an’n 17. Februar oder in de allernächste Tokumft fastleggt warrn.