Portal:Wikinews/Plattdüütsch Woort vun’t Johr 2007 is Oeschen

15. Juni 2008: Dat Plattdüütsch Woort vun’t Johr 2007 is Oeschen. Dat hett de Landsheimatverband Mekelborg-Vörpommern nu bi de Reuterfestspelen in Stemhagen bekannt geven. In de Kategorie för ne’e Wöör hett de Utdruck Ackerschnacker för Handy wunnen. As de schönste Seggwies hebbt se för 2007 Dat Läwen is väl tau kort för ein langes Gesicht utwählt. Alltohoop 141 Vörslääg vun 65 Lüüd hett dat för de dree Kategorien geven. De Vörslääg, de wunnen hebbt, kemen ut Niegstrelitz, Datzedaal un Swerin.