Präfektur (Frankriek)

De Präfektur (franzöösch préfecture) is in Frankriek de Amtsbezirk von’n Präfekt (franzöösch préfet), also en Département. Dat Woord betekent ok den Hööftoort (franzöösch chef-lieu) von en Département un dat Amtsgebüüd von’n Präfekt.

De Präfektur steiht ünner dat Binnenministerium in Paris. De böverste Verwaltungsbeamte von en Département is de Präfekt. De Eenheit ünner dat Département is dat Arrondissement, dat en Ünnerpräfektur hett. Wenn de Hööftoort von dat Arrondissement ok Hööftoort von en Département is, denn gifft dat blots en Präfektur, de de Opgaven von de Ünnerpräfektur mit övernimmt. De Präfektur von de Hööftstadt von en Region is gliektiedig ok Präfektur von de Region.

De Verwaltungseenheit von de Präfektur is in de Tied von dat Konsulaat ünner Napoleon Bonaparte inricht worrn un besteiht bet vondaag.

Dat gifft in Frankriek 100 Präfekturen. En Utnahm billt de Grootruum Paris. Dor is de Polizeipräfektur för de Départements Paris (Nummer 75), Hauts-de-Seine (92), Seine-Saint-Denis (93) un Val-de-Marne (94) tohoopfaat. De letzten dree Départements hebbt liekers en Hööftoort, de ok as Präfektur betekent warrt: