De Pruth (rumäänsch: Prut; ukrainsch un russich: Прут}}; latiensch: Pyretus) is en 953 km lang linker Nebenstroom vun de Donau. Sien Born liggt in de Oblast Iwano-Frankiwsk in de ukrainsch Ostkarpaten dicht bi de rumäänsch Grenze, wo de Jassinja-Pass to dat Bornrebeet vun de Theiß in de Oblast Transkarpatien röverführt. De moldawisch-rumäänsch Grenze folgt gänzlich den Verloop vun den Pruth.

De Böverloop vun den Pruth dicht bi de Howerla in den Waldkarpaten

Verloop ännern

Ut de Bargen nich wiet vun der Howerla weg, floot de Pruth Richt Jaremtsche un reckt etwa 100 km östlich vun de Born Czernowitz, Hööftstadt vun de Oblast Tscherniwzi un historsch Hööfstadt vun de Bukowina. Nah wiederen 100 km wend sück de oop vun den Pruth nah Süden un markeert af nu de gesamt Grenze tüschen Rumänien un Moldawien. In dat Bültland vun Bessarabien mäandert de Stroom düchtig. Nich wiet vun de Stadt Iași weg, wurrd de Stroom för de ünneren 300 km schippbar un münd östlich vun Galați (Galatz) bi dat moldawisch Giurgiulești in de Donau, kört bevör de hör Münnensdelta reckt.

De Sroom hett (kört för sien Münnen in de Donau) en Waterführung vun 110 m³/s.

Geschichte ännern

Vun historsch bedüüden ist de Freeden vun' Pruth, de Peter de Grote an' 23. Juli 1711 ingahn muss, nahdem sien Truppen tovör bi de Lüttstadt Huși vun de Törken inslooten wurrn weer.

Een Johrhunnert later wurr an' 28. Mai 1812 in Bukarest tüschen Kaiser Alexander I. un den osmaansch Sultan Mahmud II. de Freeden vun Bukarest slooten, de den achten russisch-törkschen Krieg (1806–1812) to'n Enn' broch. Dormit kreeg Russland en Hälft (östlich vun den Pruth) vun dat Fürstendom Moldau, dat latere Bessarabien, tospraken. De Grenze tüschen dat Osmaansch un dat Russisch Riek verleep af 1812 nich mehr an' Dnister, sonnern 200 km wieder westlich an' Pruth. För dissen Territorialgewinn hett Russland van de osmaansch besett Donaufürstendömer Moldau (westlich vun den Pruth) un Walachei affsehn.

Literatur ännern

Weblenken ännern

  Pruth. Mehr Biller, Videos oder Audiodateien to’t Thema gifft dat bi Wikimedia Commons.

Enkeld Nahwiesen ännern