En Qark (albaansch, bestimmte Form qarku, Mehrtall qarqe, wohrschau: dat albaansche q warrt meist so as en tj utspraken!) is en Eenheit in de Verwalten vun Albanien. De Qark warrt ok in offiziellen Översetten Region nöömt. Jedeen Qark is in twee bet veer Kreisen ünnerdeelt. Altosamen gifft dat 12 Regionen un 36 Kreisen.
En Qark hett en Raat, to den de Börgermeesters vun de Öörd un Gemeen ut den Qark tohöört. Se wählt een vun jem to jemehrn Vörsitter.
De albaansche Regeeren beroopt för jedeen Qark en Präfekten, de de Opsicht över den Qarkraat hett. Dorum warrt en Qark ok faken Präfektur (alb. prefekturë / prefektura) nöömt.
