Quääk
Quääk (f., pl. Quäken, lat. Elymus) is een ganz Plantengatten in de Familie vun de Söötgräs. Jenadem een tellt, gifft dat woll mehr as 200 ünnerscheedlik Oorten op de hele Welt.
Dat Woort Quääk kummt vun dat oldnedderdüütsche Woort „queck, quick“, wat so vääl as lebennig oder kräsig heet. Kräsig is in den Sinn meent, dat sik de Plant wild un dull utbreedt, worüm se in de Bueree as een vun de groten Unkrüter ansehn ward.
All de Quäken-Oorten sünd Ohr-Gras-Oorten, dat heet, se wasst mit twee-ohrig Fruchtstänn. Ünnerscheedlik sünd se in de Tahl, de se an Blöten an een Ohr hefft, dat sünd twischen dree un acht.
