Quimper
Quimper, bretoonsch Kemper, is en Stadt in de Bretagne. Se is Hööftstadt van dat Finistère. Die Stadt hat 63.508 Inwahner (Stand: 1. Januar 2015) up en Rebeet van 84,45 km², de up franzöösch quimpérois un bretoonsch kemperiz nömmt wurrn.
De Naam „Quimper“ stammt ut dat bretoonsch kemper un bedüüd Tosommenfloot, wiel de Stadt an den Tosommnfloot van Jet, Steïr un Odet upbaut wurr. De Hööftstadt van de Cornouaille hett inst Quimper-Corentin (bret. Kemper-Kaorentin) heeten, nömmt nah Saint Corentin, den eersten Bischop van de Stadt. Wiels de Franzöösch Revolutschoon wurr de Stadt in Montagne-sur-Odet umnömmt un heet hüüd blots noch Quimper.
Quimper is berühmt för sien Porzellan-Manufaktur. Siet veer Johrhunnerten wurrn hier in de Fayence-Werkstäen nah olt Traditschoon de Fayencen vullständig per Hand formt un verziert. De düütsch Partnerstadt is siet 1971 Remscheid.
