Régis Clère

Régis Clère (* 15. August 1956 in Langres; † 9. Juni 2012 in Dijon) weer en franzöösch Radrennfohrer.

Werdegang

Régis Clère weer as Radsportler van 1978 bit 1992 aktiv, dorvan bit 1981 as Amateur. He weer en Allrounder up de Straat un up de Bahn. 1981 wurr he franzöösch Meester in’t Punktefohren un Viez-Meester in de Eenerverfolgung; 1982 wurr he franzöösch Meester in’t Straatenrennen. Bi de Olympisch Spelen 1980 in Moskau keem he in dat Straatenrennen up den 43. Platz.

As Profi is Clère sössmal bi de Tour de France antreden. Dorbi wunn he 1983 een un 1987 twee Deelstrecken..

Bi de Vuelta a España 1981 wunn Clère en Deelstreck un droog negen Daag lang dat Trikot vun den Gesamtführenden.

1987 wunn Régis Clère de Route du Sud. Bi de UCI-Bahn-Weltmeesterschapen 1989 keem he in de Eenerverfolgung up den darten Platz.

Régis Clère is wiels en Hartoperatschoon storven.

Weblenken

• Régis Clère in de Datenbank vun Radsportseiten.net
• Régis Clère in de Datenbank vun Sports-Reference.com (engelsch)
• Régis Clère, Fier, rude et brave up lncpro.fr (franzööösch, PDF, 82 KiB)