Río Chixoy
De Río Chixoy (in’n Böverloop ok Río Negro un in’n Ünnerloop Río Salinas) is en 529 Kilometer langen Stroom in Guatemala un Mexiko (Bundsstaat Chiapas), de in’n Río Usumacinta münnt.
| Río Chixoy | ||
|---|---|---|
| Laag | Guatemala | |
| ||
| Stroomsystem | Río Usumacinta | |
| Läng | 529 km | |
| Afströömrebeed | 12.150 km² | |
| Born | in de Sierra Madre de Chiapas (op 2.000 m över de See) | |
| Münn | in’n Río Usumacinta (op 160 m över de See) | |
| Koordinaten Münn: | Koordinaten:16° 29′ N, 90° 33′ W16° 29′ N, 90° 33′ W | |
| Water je Sekunn | 555 m³/s | |
| linke Blangenströöm | Río Serchil | |
| rechte Blangenströöm | Río Salamá, Río Icbolay, Río San Roman | |
 | ||
Loop
ännernDe Stroom hett sien Born in dat Departamento Quiché in de Sierra Madre de Chiapas twüschen de Öörd Santa Cruz del Quiché un Patzité. Hier heet he noch Río Negro. De eersten Kilometer flütt he na Noordoosten, dreiht denn aver bi Santa Cruz del Quiché na Noordwesten un vörbi an San Antonio Ilotenango un Santa Lucía la Reforma. Bi düssen Oort drippt he op de Grenz na dat Departamento Totonicapán un billt nu de Grenz twüschen de Departamentos Totonicapán un Quiché.
18 Kilometer in’n Süüdoosten von de Stadt Huehuetenango münnt von links de Río Serchil in’n Río Chixoy, de de Grenz twüschen de Departamentos Totonicapán un Huehuetenango billt. Hier dreiht de Stroom op en Oost-Kurs un billt nu för en Stücker wat Kilometer de Grenz twüschen de Departamentos Quiché un Huehuetenango. Twüschen Sacapulas un Cobán is de Stroom dör’n Chixoy-Staudamm to’n Chixoy-Stausee staut. In’n Stausee liggt ok de Münn (von rechts) von’n Río Salamá. Von hier an gellt de Naam Río Negro nich mehr un de Stroom warrt blots noch Río Chixoy nöömt. He maakt en groten Bagen un dreiht op en West-Kurs. Hier billt he de Grenz twüschen de Departamentos Baja Verapaz un Alta Verapaz op dat rechte Över un Quiché op dat linke Över. Bi El Pinal un El Soch dreiht de Río Chixoy op en Noord-Kurs un flütt dör dünn besiedelt Rebeed. Bi Playa Grande kummt de Stroom bet op twölv Kilometer an de Grenz na Mexiko ran, dreiht denn aver na Oosten un löppt groff parallel to de Grenz. Hier münnt von rechts de Río Icbolay. Eerst bi Playitas dreiht de Río Chixoy wedder na Noorden un drippt bi Las Muñecas op de Staatsgrenz.
Bet na de Münn blifft de Stroom nu ok de Staatsgrenz twüschen Mexiko un Guatemala. De Stroom warrt nu op de letzten 113 Kilometer Río Salinas nöömt. Op de mexikaansche Sied doot de Öörd Nuevo Reforma, Nuevo Chihuahua un Roberto Barrios liggen. Op de Sied von Guatemala gifft dat blots lüttjere Öörd, hier münnt aver von rechts de Río San Roman. Bi Roberto Barrios dreiht de Stroom för de letzten Kilometer op en Noordwest-Kurs.
Twüschen Cooperativa Mario Méndez un Benemérito de las Américas drippt de Stroom toletzt op’n Río de la Pasion un billt den Río Usumacinta, de later in’n Golf von Mexiko münnt.
