Rainer Bonhof

Rainer Bonhof (* 29. März 1952 in Emmerek) is en ehmalger nedderlannsch-düütsch Footballspeler un -trainer.

De Middelfeldspeler harr bit 1967 de nedderlannsch Staatsangehörigkeit. He speel van 1964 bit 1970 för SuS Emmerich un wessel denn to Borussia Mönchengladbach, wo he bit 1978 bleev. Van 1978 bit 1980 speel he bi FC Valencia, dornah bit 1982 för den 1. FC Köln. In de Saison 1982/83 hett he noch mal för Hertha BSC speelt. In 311 Bundsligaspelen hett he 57 Doren schaaten. Besünners goot weer he bi Standards, wiel he en düchtig harten Schööt harr.

För de düütsch Natschonalmannschap hett he in de Johren 1972 bit 1981 insgesamt 53 Lännerspelen maakt, in de he 9 Doren schaaten hett. He hörr to den Europameesterschapskader 1972 un 1980 un wurr so Europameester, ahn aber insett wurrn to ween. Bi de Europameesterschap 1976, wo he ok to’n Insatz keem, wurr he Viez-Europameester.

Sie gröttste Erfolg weer aber de Gewinn vun de Football-Weltmeesterschap 1974, in de he dat entscheeden Door vun Gerd Müller vörbereiten dee. He weer in disse Mannschap de jüngste Weltmeester.

Nah sien aktiv Loopbahn weer he noch as Trainer bi Bayer 05 Uerdingen, van 1990 bit 1998 Trainerassistent bi den DFB, 1998/1990 bi Borussia Mönchengladbach un af 2002 Trainerassistent in Schottland.

Borns

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8