Rainer Fritz Albert Knaak (* 16. März 1953 in Pasewalk) is en düütsch Schachspeler.

Rainer Knaak 2007 in Forst (Lausitz)

Rainer Knaak hett dat Schachspeel in dat Öller vun fiev Johren lehrt un is gau vörankommen. 1966, 1969 und 1970 wurr he all DDR-Meester in sien Öllersklass. 1971 nehm he en Mathematikstudium up, dat he 1979 mit Diplom afslooten hett. In de Tüschentiet wurr he 1975 Grootmeester un gull neben Wolfgang Uhlmann as best Speler in de DDR. He hett den Titel vun en DDR-Meester fief Mal (1974, 1978, 1982, 1983 un 1984) wunnen un speel för de DDR bi de Schacholympiaden 1972, 1988 un 1990. Sien hööchste Elo-Tall weer 2665 in dat Johr 1970.

Nah de Wedderveenigung speel Knaak in de Schachbundsliga bi de SG Porz, den SV Werder Bremen un bi den SC Stadthagen. 1992 wunn he dat Schachfestival Bad Wörishofen.

Siet 1994 is is he in’ Hööftberop Mitarbeiter bi de Firma ChessBase.

Familie ännern

Rainer Knaak is de Söhn vun Hans Knaak, vun de he ok dat Schachspelen lehrt hett. He is siet 1977 verheiraadt un hett twee Kinner. Sien Bröer Joachim Knaak (* 1951) is ok en Schachspeeler.

Warken (Utwahl) ännern

Weblenken ännern