Rasmus Svane
Rasmus Svane (* 21. Mai 1997 in Allerød Kommune) is en ut Däänmark stammen Schachspeler, de för den Düütschen Schachbund speelberechtigt is.
Eenzelerfolge
ännernEn vun sien gröttere Erfolge weer de deelt 1. Platz 2012 bi den Nord-West Cup in Bad Tüschenahn. In‘ Mai 2014 hett sien Speelstärkt eerstmals de 2500-Marke överschreeden. Sien hööchste ELO-Tall is bit hüüd 2623 (Stand September 2021). De hett he in‘n September 2021 reckt.
In‘ Mai 2013 wurr Svane to‘n Internatschonalen Meester nömmt, de erforderlichen Normen hett he bi de düütsch Eenzelmeesterschap 2011 in Bonn, in‘ Juli 2012 bi den Politiken Cup in Helsingør as ok in‘ Dezember 2012 bi dat 1. Korbacher GM-Normenturnier schafft.[1] Siet September 2016 drocht Svane den Grootmeestertitel, de erforderlichen Normen hett he in‘ April 2015 bi dat Aeroflot Open in Moskau, in‘ Juni 2015 bi dat Visma Chess 2015 GM in Växjö un in de 1. Bundsliga 2015/16 haalt.[2]
Mannschapsschach
ännernIn Düütschland speel Svane bit 2012 för den Lübecker Schachverein von 1873, siet 2012 speelt he mit den Hamburger SK in de 1. Bundesliga, mit den he ok an‘ European Club Cup 2015 deelnommen hett[3]. De däänsch Skakligaen wunn he 2015 mit den Skanderborg Skakklub.
Mit de düütsch Natschonalmannschaft hett he 2014 an den Mitropacup in Ružomberok deelnommen.[4] Bi de Europameesterschap hörr he 2017 eerstmals to dat düütsch Team. Bi de Schacholympiade 2018 speel he an Brett 4 för de düütsch Mannschap.
Sonstiges
ännernRasmus Svane is de Söhn vun den Cellisten Troels Svane.
Enkeld Nahwiesen
ännern- ↑ IM-Antrag bi de FIDE (engelsch)
- ↑ GM-Antrag bi de FIDE (engelsch)
- ↑ Ergevnisse vun Rasmus Svane bi European Club Cups up olimpbase.org (engelsch)
- ↑ Ergevnisse vun Rasmus Svane bi Mitropacups up olimpbase.org (engelsch)
Weblenken
ännern
- Schachpartien vun Rasmus Svane up chessgames.com (engelsch)
- FIDE-Koort