Raymond Delisle
Raymond Delisle (* 11. März 1943 in Ancteville; † 11. August 2013 in Hébécrevon, Manche) weer en franzöösch Radrennfohrer.[1]
1963 wurr Raymond Delisle, noch as Amateur, Dart bi de Tour de l’Avenir, in dat Johr dorup franzöösch Meester in’t Mannschapstietfohren. 1965 wurr Delisle Profi un is in de folgen Johren twalfmal bi de Tour de France start. Dorbi wunn he 1969 un 1976 jeweils een Deelstreck. In dat Johr droog he twee Daag lang dat Geele Trikot un keem an’ Enn’ up Platz 4 in de Gesamtwertung un wurr todem as kämperischt Fohrer uttekent.
1977 keem he up den negenten, 1970, 1972 un 1973 jeweils up den 11. Platz. 1974 lang dat för Platz 12 un 1975 keem he noch mal up den 16. Platz.
1973 reck he as Eerst den Col de Portet-d’Aspet, 1974 den Port d’Envalira un 1980 den Col de Peyresourde.
1969 wurr Delisle franzöösch Meester in’t Straatenrennen, 1975 wunn he de Tour du Haut-Var un 1977 de Trophée des Grimpeurs, nahdem he all 1970 dat entsprekend vörherig Rennen Polymultpliée wunnen harr. Bi de Vuelta a España 1974 kunn he dorto ok noch een Deelstreck up sien Naam schrieven. 1977 hett he sien Loopbahn afslooten.
An' 11. August 2013 hett sück Raymond Delisle in Hébécrevon in de Normandie, wo he torüchtrucken leven de, sülvst üm't Leven brocht.[2]
Weblenken
ännernEnkeld Nahwiesen
ännern- ↑ Nahroop up Raymond Delisle
- ↑ Todesfall: Französischer Nationalheld Raymond Delisle nimmt sich 70-jährig das Leben - live-radsport.ch (afropen an' 13. August 2013)