Rebecca Manuel

Rebecca Ellen Manuel, borene Gilmore (* 13. Juni 1979 in Sydney) is en ehmalge austraalsch Waterspringerin. Se sprung in‘n 3-m-Kunst- un 10-m-Toornspringen as ok in dat 10-m-Synchroonspringen. Hör gröttste Spood weer de Gewinn vun de Bronzemedaille bi Olympisch Spelen.

Gilmore harr bi de Swemmweltmeesterschapen 1998 in Perth ihör eerst internatschonalen Wettkamp in den Utwussenberiek. Mit Phil Tosh kemm se in dat 10-m-Synchroonspringen up den achten Platz. Bi de Commonwealth Games in dat glieker Johr verpass se in dat Toornspringen blots knapp en Medaille. In dat Johr 2000 hett se an de Olympisch Spelen in hör Heimatstadt deelnommen un wunn mit Loudy Tourky Bronze in dat 10-m-Synchroonspringen. Vun dat 3-m-Brett reck se in dat Halffinale Platz 17 un vun den 10-m-Toorn in dat Finale den elfsten Platz. Een Johr later reck dat Duo Duo Gilmore und Tourky bi de Weltmeesterschap in Barcelona Rang fiev. 2002 hett Gilmore en Wertschaps-Studium an de Universität Sydney afslooten. Se hett denn noch an de Commonwealth Games deelnommen un dornah hör Loopbahn afslooten. Siet 2005 arbeit se bi den Vereen Perfect 10 Diving as Trainerin.

Weblinks

• Rebecca Manuel in de Datenbank vun Olympedia.org (engelsch)
• Ergevnisöversicht up the-sports.org