Reginald Lawson Waterfield
Reginald Lawson Waterfield (* 12. April 1900; † 10. Juni 1986 in Woolston, Somerset) weer en britsch Mediziner un Astronom.
Waterfield wurr nah en Frontinsatz in de Eerste Weltkrieg Dokter an dat Guy’s Hospital in London. 1927 bit 1929 hörr he to de Staff vun dat Johns Hopkins Hospital in Baltimore, Maryland, USA, gung aber dornah bit 1937 to dat Guy’s Hospital torüch. Denn folg en längere Kuruphollen in de Swiez. 1942 nehm he in Noordafrika an de Tweeten Weltkrieg deel, wurr verwund uni s denn ut de Armee utscheden. He gung den weer nah dat Guy’s Hospital, kreeg aber 1949 Kinnerlähmung, wat hüm för de restlich 37 Johr vun sien Leven an de Rullstohl fesseln dee. He hett aber liekers an’ Guy’s Hospital wiederarbeid. Wiederhenn hett he de nah hüm nömmt Waterfield Sphärocytometer entwickelt.
Ok in astronoomsch Hensicht weer Waterfield spoodriek. Utgahnd vun de Tatsache, dat he 1910 den Dagskometen sehn harr, fung he af 1913 intensiver mit de Himmelsbeobachtungen an. All in 194 hett he eerste Sünnupnahmen makt. In dat glieker Johr besöch he ok regelmatig de Mill Steernwacht in Dundee, wo he sien Forschungen mit en 250mm Refraktor wieder makt hett. 1916 drüff he en 150mm Cooke Refraktor vun de Industrielle J. Player in Cheltenham bruuken. Disse Teleskop hett he nahst erwurben un bit an sein Levensenn’ behollen. Lang Tiet hett he sück in eerster Linie för den Mars interesseert. De Planet hett he intensiv erforscht aber ok Sünnforschung hett he bedreben. Af 1932 hett he sück denn aber hööftsächlich de Kometenforschung widmet, ok wenn hüm dat nich gelungen is en „eegen“ Kometen to entdecken. He hett aber völ Upnahmen vun de Kometen Arend-Roland (1957) un Bennett (1970) makt.
1916 is he in de Royal Astronomical Society (RAS) intreden. Van 1959 bit 1961 weer he deren Viezpräsident. Van 1931 bit 1942 weer he Direkter un van 1954 bit 1956 Präsident vun de Mars-Sektion vun disse Vereenigung.
Ehrungen
ännern- 1942: Jackson-Gwilt Medallje vun de Royal Astronomical Society.
- 1969: Comet Medallje vun de Astronomical Society of the Pacific
Nah hüm is ok de Asteroid 1645 Waterfield nömmt wurrn.