Reinhard Brünjes

Reinhard Brünjes (* 26. Oktober 1947) is en düütschen Politiker von de CDU.

Brünjes is 1947 boren. He hett von 1963 bet 1966 Radio- un Feernsehtechniker lehrt. Denn hett he von 1970 bet 1971 Narichtentechnik un Allgemene Elektrotechnik studeert un dat Studium as staatlich prüften Techniker afslaten. He hett von 1971 af an as technischen Anstellten in dat Ünnernehmen Noordwestdüütsche Kraftwarken AG/PreussenElektra/E.on arbeidt. Von 1997 bet 2001 hett he Verwaltungs- un Weertschopswetenschoppen an de Verwaltungs- un Weertschopsakademie in Stood studeert un dor in’n Juni 2001 sien Diplom as Verwaltungsbedrievsweert un Bedrievsweert maakt.

1974 is he Maat von’n Oortsraad von Hönau-Lindörp worrn un is 1981 in de CDU ringahn. In dat sülve Johr is he ok in’n Kreisdag von’n Landkreis Rodenborg wählt worrn. 1986 is he ok noch in’n Stadtraad von Bremervöör rinkamen. He weer von 1996 bet to de Eengleisigkeit 1997 Börgermeester von Bremervöör. Von 1997 af an weer he Vörsitter von’n Stadtraad. Brünjes weer von Oktober 2000 bet to de Eengleisigkeit an’n 31. Oktober 2001 denn Landraad von’n Landkreis Rodenborg. Mit’n 1. November 2001 is he Vörsitter von’n Kreisdag un eersten Viez-Landraad worrn. Bi de Wahl 2011 is he nich wedder in’n Kreisdag wählt worrn.

Brünjes is siet 1969 verheiraadt, hett een Söhn un een Dochter un leevt in Hönau-Lindörp. He is ok Vörsitter von’n Heimatvereen Heimatfrünn Bremervöör-Hönau-Lindörp.

Weblenken

• Brünjes sien Websteed (hoochdüütsch)