Reinhold Ewald

Disambig.svg Dit Woort hett noch annere Bedüden: kiek dorför ünner Reinhold Ewald (Künstler).

Reinhold Ewald

Reinhold Ewald (* 18. Dezember 1956 in Mönchengladbach) is en düütsch Physiker un ehmalger Ruumfohrer.

LevenÄnnern

Reinhold Ewald hett 1975 an dat Stiftisches Humanistisches Gymnasium Mönchengladbach sien Abitur maakt un studeer ansluutend Physik mit de Fackricht Experimentalphysik un kreeg 1983 dat Diplom. Mit de Arbeit in Physik (Thema: HCO+ und HCN in S140 und W51 – Beobachtungen mit dem Kölner 3-m-Radioteleskop) un in dat Nebenfack Humanmedizin hett he 1986 an de Universität to Köln sien Doktertitel kreegen.

Reinhold Ewald wurr to’n 1. September 2015 as Nahfolger vun Ernst Messerschmid to’n Perfesser för dat Fackrebeet Astronautik un Ruumstatschonen an dat Institut för Ruumfahrtsysteme vun de Universität Stuttgart beropen.[1]

RuumfohrertätigkeitÄnnern

Af 1990 weer Ewald in dat düütsch Astronautenteam vun de Düütsch Forschungsanstalt för Luft- un Ruumfohrt. Vun November 1990 bit März 1992 wurr he in Moskau to’n Ruumfohrer utbildt. Bi de Mission Mir92 (Sojus TM-14/Sojus TM-13) weer he Ersatzmann för Klaus-Dietrich Flade.

Nah sien Rückkehr nah Düütschland wurr he stellvertreden Baas vun dat Astronautenbüro vun de DLR un hett de D2-Spacelab-Mission an Bord vun dat Space Shuttle ünnerstütt. Disse Mission STS-55 wurr 1993 vun de NASA dörführt.

1994 wurr he bi de DLR to’n Programmbeupdragten för de Berieken unbemannte un bemannte Missionsprojekte, Forschung in‘ Weltraum un Planetenforschung nömmt. Af Oktober 1995 weer he weer in Moskau in‘ Training to de Mission Mir97.

An‘ 10. Februar 1997 to sien eerst un eenzig Ruumfloog mit dat Ruumschipp Sojus TM-25 start. Mit an Bord weern de ukraiensch Kommandant Wassili Ziblijew un de russische Floogingenieur Alexander Lasutkin. Up de Ruumstatschoon Mir sünd se up de Russen Waleri Korsun un Alexander Kaleri as ok up den US-Amerikaner Jerry Linenger. Up de Mir führ Ewald verscheeden Experimente dör un nehm ünner anner ünner dat Roopteeken „DL2MIR“ Kuntakt to Funkamateuren up. Wils sien Upenholt up de Mir is dor an‘ 23. Februar en Füer up de Ruumstatschoon utbraaken, dat aber gau weer löscht wurrn kunn. De Die Landung weer an‘ 2. März tosommen mit Korsun un Kaleri mit dat Ruumschipp Sojus TM-24. 19 Daag, 16 Stünnen un 34 Minüüt hett Ewald in’t All tobrocht.

Af Februar 1999 hörr Ewald to dat europääsch Astronautenkorps vun de ESA in Köln. As Crew Operations Manager weer he 2002 för de beid ISS-Ruumflüüg mit ESA-Bedeeligen tostännig, in de Johren 2003 un 2004 buterdem för twee wiedere Sojusflüüg.

In‘ Jahr 2005 weer Ewald Liddmaat vun dat „European Astronaut Corps“ (EAC) un hett för en Floog to de Internatschonale Ruumstatschoon traineert.

Bi de Astrolab-Mission 2006 hett Ewald sien Kolleeg Thomas Reiter vun‘ Bodden ut dat Columbus Control Center, dat sück an dat Düütsch Ruumfohrt-Kontrollzentrum in Oberpfaffenhofen befind, betrüet.

UtteknungenÄnnern

 
Reinhold Ewald nah sien Vördrag „Astronaut‘s Life“ in‘ Rahmen vun dat Forum Mensanum vun EMAGs 2008 in Köln.

SonstigesÄnnern

Reinhold Ewald is verheiraadt un hett een Söhn un twee Döchter. He is Liddmaat in de Akademischen Vereinigung Rheinstein Köln as ok de K.D.St.V. Rheno-Franconia München un Ehrenliddmaat vun de Karate Dojo Mönchengladbach.

WeblenkenÄnnern

  Reinhold Ewald. Mehr Biller, Videos oder Audiodateien to’t Thema gifft dat bi Wikimedia Commons.

Enkeld NahwiesenÄnnern

  1. Elisa Werler: [1] Reinhold Ewald übernimmt Professur für Astronautik und Raumstationen, irs.uni-stuttgart.de van‘ 29. September 2015, afropen an‘ 20. November 2015