Reinhold Münzenberg

Reinhold Münzenberg (* 7. März 1908 in Walheim, hüüd Aken; † 25. Juni 1986 ok dor) weer en düütsch Footballspeler un -trainer.

De Middellöper speel van 1918 bit 1938 för Alemannia Aachen, in de Saison 1939/40 för VfL Neckarau, 1940 noch mal kört för Alemannia Aachen, wiels den Tweeten Weltkrieg bi SV Werder Bremen un LSV Hamburg, bevör he afsluutend weer to Alemannia Aachen torüch gung, un dor sien aktiv Loopbahn afsluuten dee. As Trainer weer he ok bi Alemannia Aachen tätig.

För de düütsch Natschonalmannschap hett he in de Johren 1930 bit 1939 all tosommn 41 Lännerspelen bestreeden. He weer Deelnehmer vun de Football-Weltmeesterschap 1934. Ok 1938 hörr he den Kader an, wurr aber nich insett. 1936 hett he aber an dat Olympisch Footballturnier deelnommen un he weer ok in Utwahlmannschapen för den Beriek Middelrhien un Westdüütschland aktiv.

Ehrungen

1980 wurr he mit dat Bundsverdeentkrüüz an’n Band uttekent.

Borns

• Bernd Rohr, Günter Simon: Fußball-Lexikon, 2004 Copress Verlag, ISBN 3-7679-0829-8