René-Laurent Vuillermoz

René-Laurent Vuillermoz (* 26. Oktober 1977 in Aosta) is en ehmalg italieensch Biathlet.

Vuillermoz is Sportsuldat un leevt in Petit Cré. Sien Vereen weer Centro Sportivo esercito un he wurr vun Paolo Riva traineert. In' Biathlon-Weltcup geev he sien Debüt 2002 bi en Sprint (84.) in Oberhof. In de folgen Saison, noch in dat sülvig Johr, reck he in Östersund mit en 11. Rang en eerst nennenswert Platzeeren. Sien best Platzeeren weer darte Plätze 2005 in Ruhpolding un 2007 in Oberhof.

2002 wurr he bi Olympisch Spelen in' Eenzel insett un keem up Platz 72. Bi sien „Olympisch Heimspelen“ 2006 wurr he in all fiev Rennen insett un reck mit Platz 13 in de Verfolgung un Rang 8 mit de Staffel sien best Platzeeren. Siet 2003 wurr he – wenn ok nich in all Rennen un ahn nennenswerte Erfolge – bi all Weltmeesterschapen insett. An' spoodrieksten weer he bi de Biathlon-Weltmeesterschapen 2007 in Antholz in Italien. Vuillermoz keem in' Sprint up den negenten Platz un mit en unverwacht stark Staffel up Rang veer.

Rene Vuillermoz wunn bi de Italieensch Meesterschapen 2009 den Titel in' Massenstart un wurr Viezmeester mit de Staffel. He nehm an de Olympisch Winterspelen 2010 deel. Sien best Resultat weer dorbi de 54. Platz in' Eenzel. Bi den Heim-Weltcup 2011 in Antholz in Südtirol reck Rene-Laurent Vuillermoz gemeensam mit Lukas Hofer, Christian De Lorenzi un Markus Windisch in de Staffel den 2. Platz un dormit eerstmals mit en italieensch Mannlüüdstaffel dat Siegerpodest.

2012 hett he sien Loopbahn afslooten.

WeblenkenÄnnern