Renato Zaccarelli
Renato Zaccarelli (* 18. Januar 1951 in Ancona) is en ehmalger italieensch Footballspeler un nu Footballtrainer.
Karriere
ännernZaccarelli fung sien Loopbahn in de Jöögdmannschap vun AC Turin an. 1968 keem he leehnswies Catania Calcio, wo he tweemal insett wurr. Een Johr later keem he weer torüch nah Turin, keem dor aber in twee Johren nie nich to’n Insatz. Dornah hett he sück een Johr lang bi Novara Calcio versöcht un denn een Johr bi Hellas Verona, wo he den Klubverantwortlichen vun den AC Turin positiv upfull un 1974 kunn he weer to sien Stammvereen torüchwesseln. All tosoomen hatt Zaccarelli 13 Johr bi AC Turin speelt, un wunn mit den Vereen 1976 den italieenschen Meestertitel. 1986 wurr he Speler vun dat Johr in Italien, een Johr later hett he sien Loopbahn afslooten.
Internatschonal hett de Middelfeldspeler 25 mal för Italien speelt un hett dorbi twee Doren schaaten. He nehm an de Football-Weltmeesterschap 1978 in Argentinien deel un keem mit de Squadra Azzurra up den veerten Platz. Bi de Football-Europameesterschap 1980 in Italien keem he mit sien Mannschap weer up den veerten Platz.
Trainerkarriere
ännernNah sien aktiv Loopbahn övernehm Zaccarelli de italieensch U-21-Utwahl för eenig Johren. 2003 övernehm he den Trainerposten bi den AC Turin un bleev dat bit 2005. Dornah wurr he Sportdirekter bi den FC Bologna.
Wat he schafft hett
ännern- Eenmal italieensch Meester (1976)
- Eenmal Speler vun dat Johr in Italien (1986)