Reutlingen is en Grootstadt in zentraal Laag in Baden-Württemberg. Se is Kreisstadt un de gröttste Stadt vun den Landkreis Reutlingen, in de se in butersten Nordwesten liggt. Direkt dorneben liggt de Middelstadt Tübingen (12 Kilometer westlich), de nächst Grootstäder sünd Stuttgart (31 Kilometer nördlich) un Ulm (57 Kilometer östlich). In Reutlingen leven 112.735 (31. Dez. 2011) Inwahners up en Rebeet vun 87,1 km².

De ehmalge Free Rieksstadt (bis 1802) un latere württembergisch Oberamts- bzw. Kreisstadt hett 1989 de Grenz vun 100.000 Inwahner överschreeden. Se wurr dormit to de bitlang jüngste vun de nu negen Grootstäder vun Baden-Württemberg un is de eenzige, de nich kreisfree ist. Hüüd is Reutlingen de negentgröttste Stadt in Baden-Württemberg un (nah Ulm) de tweetgröttste Stadt vun den Regeerensbezirk Tübingen.

Reutlingen is mit en lütten Deel (17,5 %) vun sien Gemarkung Deel vun dat Biosphärenrebeet Schwäbische Alb. De offizielle touristisch Eegenbeteken luut dorher dat „Tor zur Schwäbischen Alb“.

Weblenken ännern

  Reutlingen. Mehr Biller, Videos oder Audiodateien to’t Thema gifft dat bi Wikimedia Commons.