Riccardo Cassin

Riccardo Cassin (* 2. Januar 1909 in San Vito al Tagliamento (PN); † 6. August 2009 in Piani Resinelli bi Lecco) weer en italieensch Bargstieger un Entwickler vun modern Bargutrüstung, t.B. vun de Cassin-Haken un de Cassin-Karabiner.

Bargstieger

Up de Söök nah Arbeit truck Riccardo Cassin as jung Kerl nah Lecco, wo he sien eerste alpine Erfahrungen makt hett. Bekannt wurr he aber in de 1930er Jahren dör sien Eerstbestiegen in de domols böversten Schwierigkeitsgraden. De vun hüm utfunnen Routen sünd alltosommen Klassiker wurrn:

• Süüdoostwand vun Torre Trieste in de Civettagrupp (August 1934, mit Vitali un Pozzi)
• Noordwand vun de Westlichen Zinne (August 1935, mit V. Ratti)
• Piz-Badile-Noordoostwand (August 1937, mit V. Ratti, G. Esposito, Mario Molteni, Giuseppe Valsecchi)
• Walkerpfeiler vun de Grandes Jorasses (Juli 1938, mit G. Esposito, Tizzoni)

De Tweete Weltkrieg hette Cassins Bargstiegerloopbahn ünnebraken. Nah den Krieg wurr he för de eerste italieensch Karakorumexpedition in dat Johr 1954, bi de de eerste Bestiegen vun de K2 gelungen sull, nich berücksichtigt. Disse Enttäuschung wurr minneseert, as he 1958 mit de Leitung vun de tweete italieensch Karakorumexpedition betraut wurr. Missionsziel weer de swoor to bestiegen Gasherbrum IV, de aber vun Walter Bonatti un Carlo Mauri eerstmals bedwungen wurr.

Cassin hett in de Folg noch wiedere Expeditionen leidt.:

• Jirishanca (1960)
• Süüdwand vun den Mount McKinley (1961)
• Lhotse Süüdwand (1975), de is aber scheitert.

As he 78 Johr old weer, hett he to dat 50-johrig Jubiläum vun sien Eerstbegahn vun de Piz-Badile-Noordoostwand de Route noch mal bestegen..

Riccardo Cassin is 100-johrig in’ August 2009 in sien Huus bi Lecco storven.

Bargstiegerutrüster

1947 fung Riccardo Cassin mit de Entwicklung un Produktion vun Felshaken in en Achterhoff in Lecco an. Felshämmer, Iespickel un Iesenkarabiner folgten. Dorut entstunn de Sportartikel- un Sportkleedaschhersteller Cassin.

Literatur

• Christine Kopp, Ein Stück Urgestein. Zum 100. Geburtstag des italienischen Bergsteigers Ricccardo Cassin Neue Zürcher Zeitung, Nummer 11. Dezember 2008

Weblenken

• DNB-Katalog
• Porträt vun Riccardo Cassin (engelsch)
• Firmenhistorie vun de Firma Cassin (engelsch)