Rieksstraat (Düütsch Riek)

Rieksstraat weer von 1934 af an in dat Düütsche Riek de Utdruck för de wichtigen Straten in’n Feernverkehr, för de dat Riek as Staat tostännig weer. Vörher hebbt düsse Straten Feernverkehrsstraat (FVS) heten.[1] Na 1945 sünd dor in de BRD de Bundsstraten von worrn un in de DDR de Feernverkehrsstraten. De Nummern sünd von BRD un DDR to’n groten Deel övernahmen worrn.

Nummerntafel von de Rieksstraat 128
Grundnett von de Rieksstraten 1937 (mit Utbo bet 1941)

An’n 17. Januar 1932 sünd in dat Düütsche Riek de wichtigsten Feernverkehrsstraten nummereert worrn, üm dat Orienteren lichter to maken. Siet 1934[2] kenntekent en gele Nummerntafel mit swarte Schrift dissen Typ Straten. Na de Rieksautobahnen weren de Rieksstraten de höögste Klass Straten, för de dat Riek tostännig weer.

FootnotenBearbeiten

  1. Gesetz über die einstweilige Neuregelung des Straßenwesens und der Straßenverwaltung vom 26. März 1934. RGBl 1934, Teil I, S.243ff, vom 27. März 1943. Zugehörige Durchführungsverordnung vom 7. Dezember 1934, RGBl 1934, Teil I, S.1237ff, vom 15. Dezember 1934.
  2. Ausführungsanweisung zur Reichs-Straßenverkehrs-Ordnung vom 29. September 1934 RGBl 1934, Teil I, S. 869ff