Rietsluter

En Rietsluter, Trecksluter of Rietversluss – körtweg seggt de Lüüd ok Sipper (vgl. hoochdüütsch Zipp(er) ) – is en Reedschopp üm twee Ecken van Stoff tohooptodoon. Bruukt warrt dat bi Kledaasch (to’n Bispeel Jacken oder Jeans), bi Bagaasch un annere Taschen, Reedschoppen för’t Campen (to’n Bispeel Telten, Slaapsäck) en mennig anner Saken.

En Rietsluter besteiht ut twee Striepen, de tohoopföögt warrn schöölt. Elk Striep hett en Reeg van Tähnen (ut Metal ooder Plastik). Dör en Schuver warrt de Tähnen tohoopföögt oder wedder vaneen scheedt.

Utklamüstert hett sik den Rietversluss Whitcomb Judson in’t Johr 1893. De Vörlaag kümmt avers al van sien Swiegersöhn Gideon Sundback.