Rita Marley
Alpharita Constantia Marley Anderson, beter bekannt as Rita Marley (* 25. Juli 1946 in Santiago de Cuba, Kuba), is en Reggae-Singersche in Jamaika. Se kummt an un for sik vun Kuba her un is de Weetfro vun Bob Marley. Ehre Kinner sund Sharon, Cedella, Ziggy, Stephen un Stephanie Marley. Rita Marley is in Trenchtown in Kingston upwussen. Se hett to de Band The Soulettes tohöört, ehr se, tohopen mit mit Judy Mowatt un Marcia Griffiths for Bob Marley & the Wailers dat Achtergrund-Singertrio I-Threes maakt hett. Dor tritt se ok hüdigendags noch mit up. Na den Dood vun ehrn Mann hett se sien Arv in'e Hand harrt. Dor hett dat en poor Mol ok Striet mit sien vormoligen Produzenten um geven. Se bringt ok egen Albums rut.
Rita Marley leevt hüüttodaag in Ghana. 2005 hett se de Ehrenborgerschop vun Addis Abeba kregen. Dormols schall se seggt hebben, de starvlichen Overreste vun Bob Marley schollen in Jamaika utbuddelt un na Äthiopien, in de Heimat vun Haile Selassie brocht weern. Dat hett in Jamaika allerhand Schandaal utlööst. Man se hett later seggt, dor harr se nie nich Plaans for harrt. An'n 2. Juli 2005 is Rita Marley an de Siet vun ehrn Söhn Stephen un de Black Eyed Peas bi de weltwieten Live 8-benefizkonzerte in Philadelphia upträen.
Diskografie (Utwahl)
ännern- 1981: Who Feels It Knows It
- 1982: Harambe
- 1991: We Must Carry On
- 1999: One Draw
- 2003: Sings Bob Marley... And Friends
- 2004: Sunshine After Rain
Literatur
ännern- Rita Marley: No Woman No Cry. Mein Leben mit Bob Marley, Edel:Rockbuch, Hamborg, ISBN 3-927638-07-2