Rob McConnell
Rob McConnell (eegentlich Robert Murray Gordon McConnell; * 14. Februar 1935 in London, Ontario; † 1. Mai 2010 ok dor) weer en kanaadsch Jazz-Basuunist, Komponist, Arrangeur, Bandleader un Lehrer.
Leven un Wark
ännernRob McConnell hett dat Speel up de Ventil-Basuun up de Highschool lernt un fung Anfang vun de 1950er Johren sien Karriere as Beropsmusiker in kaanadsch Danzbands, u.a bi Don Thompson, Bobby Gimby, later in de Big Band vun Maynard Ferguson an. Van 1965 an speel he in de Formation Nimmons’n’Nine Plus Six vun den Arrangeur un Klarinettisten Phil Nimmons. 1968 hett he sien eegen Bigband The Boss Brass grünnd, mit de he während de 1970er un 1980er Johren arbeit hett, u.a mit de Vokaalgrupp Singers Unlimited (1979).
De Band hett McConnell ut Studiomusikers vun Toronto tosommenstellt. De Instrumenteeren vun de 16 Mann stark Big Band bestunn ut Trompeten, Basuuns, Waldhöörns, en rhythm section, harr aber kien Saxophone. Eerst 1970 hett McConnell ok en Saxophone section inföhrt und hett de Band up 22 Liddmaaten erhöht. In de Loop vun de Johren hett sück Rob McConnell & The Boss Brass to en vun de populärst Jazzensembles Kanadas entwickelt, dat en Reeg vun Alben för Concord Jazz un anner Label upnommen hett. Liddmaaten vun sien Band weern u. a. Ed Bickert, Moe Koffman un Ludwig Nuss. 1986 speel de Big Band mit Mel Tormé en Concord-Album in.
1988 nehm McConnell en Lehrtätigkeit an de Dick Grove School of Music in Kalifornien an, is aber all en Johr later weer nah Kanada torüchgahn. 1997 wurr McConnell in de Canadian Music Hall of Fame upnommen. 1998 kreeg he de Utteknung Officer of the Order of Canada.
In de 2000er Jahren hett Rob McConnell mit en Tentett mit Terry Clarke arbeit, mit de he dree Alben inspeelt hett.
Utteknungen
ännernBob McConnell wurr mehrmals mit den Grammy uttekent:
- 1984 för de Beste Jazz-Instrumentaldarbietung, Big Band (Best Jazz Instrumental Performance, Big Band) för All In Good Time vun Rob McConnell & The Boss Brass;
- 1993 in de Kategorie Bestes Instrumentalarrangement (Best Arrangement On An Instrumental): för „Strike Up The Band“ vun Rob McConnell & The Boss Brass (Arrangeur: Rob McConnell)
- 1996 in de Kategorie Bestes Instrumentalarrangement mit Gesangsbegleitung (Best Instrumental Arrangement Accompanying Vocal(s)): för „I Get A Kick Out Of You“ vun Mel Tormé mit Rob McConnell & The Boss Brass (Arrangeur: Rob McConnell)
Diskographisch Henwiesen
ännern- The Boss Brass (1968)
- The Jazz Album (Pausa, 1976)
- Tribute (Pausa, 1980)
- Our 25th Year (Concord Jazz, 1993)
- Even Canadians Get The Blues (Concord, 1996)
- Music of the Twenties (2003)
Weblenken
ännern
Born
ännern- Bielefelder Katalog 1988 & 2002
- Richard Cook & Brian Morton: The Penguin Guide to Jazz Recordings, 8th Edition, London, Penguin, 2006 ISBN 0-141-02327-9