Robert Bernardis
Robert Bernardis (* 7. August 1908 in Innsbruck; † 8. August 1944 in Berlin-Plötzensee) weer en öösterrieksch Wedderstandskämper tegen de Natschoonalsozialismus vun de 20. Juli 1944.
Överblick
ännernSien militärisch Loopbahn fung he as Leutnant in Enns an. To’n Anfang weer he regimetrüe, dat änner sück aber, as he an de Front muss un mit ankieken muss, wu vör sien Oogen Zivilisten doodschoten wurrn sünd. He hett sück denn de Wedderstand anslooten. As Oberstleutnant in de Generalstab vun de Wehrmacht weer he an’n 20. Juli 1944 in de Bendlerblock stationeert un hett de Befehl to de Operatschoon Walküre wieder geben.
Nahdem dat Attentat scheitert weer, is he noch an de sülvig Abend fastnommen wurrn. An 8. August 1944 is he vun de Volksgerichtshoff to'n Dood verdeelt un an de glieker Dag henricht wurrn. Sien Familie hebbt se denn ok fastnommen un in’t Konzentratschoonslager staken, wat se aber överleeft hebbt.
2004 hebbt se hüm to Ehren en Denkmal in de Heeresünneruffizierschool in Enns enthüllt.