Robert Schraudolph
Robert Schraudolph (* 1. August 1887 in Sonthofen; † 18. März 1978 ok dor) weer en düütsch Maler.
Schraudolph hett van 1911 bit 1920 an de Kunstakademie München ünner de Perfessers Gabriel von Hackl un Carl von Marr studeert, ünnerbraken dör de Kriegsdeelnahm van 1915 bit 1918. 1922 wurr he in de Münchner Künstlergenossenschaft upnommen. Siet 1918 weer he jedes Johr in de Utstellung vun de Münchner Künstler in‘n Glaspalast vertreeden. De is 1931 afbrennt un völ vun Schraudolph sien Öölgemälde glieks mit.
Dornah hett he sien Warken in de Nee Pinakothek, in dat Maximilianeum un in dat Haus der Kunst in München utstellt, as ok in dat Künstlerhuus Soltborg, wo hüm de Sülvermedaille vun de Stadt Soltborg verleeht wurr. Nahdem sien Atelier un Wahnen in München dör Bomben in‘n Tweeten Weltkrieg verneelt wurrn, is Schraudolph 1943 in sien Heimatstadt Sonthofen torüchkehrt, wo he later ok storven is.