Rode Pariner
De Rode Pariner (ok as “Pariner Wiehnachtsappel“ betekend) is en Appelsort.
Dat is en olden Appelsort, de üm 1900 in Groot Parin in Sleswig-Holsteen entstahn un nah sien Herkonft nömmt wurrn is. De Huusappel kummt as Lokalsort blots in de Ruum Lübeck vör.
As Winterappel is he Enn Oktober riep för de Arnt, bannig hart un meest gor nich druckempfindlich. In’t Lager wurrd he meest gar nich welk un kann dorüm lang lagert wurrn. Af Enn' Dezember bit März (un wenn he good lagert is, ok noch bedüüdend länger) kann he eten wurrn.
De Appel is rund bit oval-afflacht, hett en Dörmeter vun bit to 10 cm un hett en dörgahn rode Schill mit en paar swart Punkten un witt Fruchtfleesch. Dat Fruchtfleesch is bit to de Geneetriep middelfast un bannig suur - dorüm kann man de Appel vör allen as Braatappel un Kokenappel bruuken.