Roger-Yves Bost
Roger-Yves Bost (* 21. Oktober 1965 in Boulogne-Billancourt, Île-de-France) is en franzöösch Springrieder.
In’ September 2013 befunn he sück up Rang söss vun de Springrieder-Weltranglist.[1] Intüschen (Juni 2014) is he wat afrutscht un steiht nu up Platz 17.
Karriere ännern
Sien gröttsten Eenzelspood fier Bost 2013, as he mit Myrtille Paulois in Herning (Däänmark) Europameester wurr.[2] Tovör weer he all för Frankriek spoodriek bi internatschonalen Championaten: Bi de Weltiederspelen 1990 in Stockholm wunn he mit de Mannschap de Goldmedaille, veer Johr later in Den Haag un 1998 in Rom jeweils de Sülvermedaille. 1996 belegg he mit de franzöösche Equipe den veerten Platz bi de Olympisch Spelen in Atlanta.
Franzöösch Meester in’t Springrieden is he in de Johren 1988 un 1997 wurrn.
Roger-Yves Bost is bekannt dör sien eegenwilligen Stil bi dat Rieden un Överwinnen vun de Hindernisse. He is verheiraadt un hett twee Kinner.
