Roger Swerts
Roger Swerts (* 28. Dezember 1942 in Heusden) is en ehmalger belgisch Radrennfohrer.
Af 1962 is Roger Swerts as Amateur internatschonal Rennen fohren. 1964 nehm he an dat Straatenrennen bi de Olympisch Spelen in Tokiodeel un kemm up den 18. Platz. In dat Johr dornah is he Profi wurrnun keem bi de Straaten-WM in dat spaansch Lasarte-Oria, achter Tom Simpson un Raymond Poulidor up den darten Platz.
1969 wunn Swerts de Meesterschap vun Zürich, 1971 den Natschonalen Sluitingsprijs, 1972 Gent-Wevelgem, den Grand Prix des Nations as ok gemeensam mit Eddy Merckx die Trofeo Baracchi. 1974 wurr he Belgisch Meester in’t Straatenrennen un wunn de Belgien-Rundfohrt nah 1972 to’n tweeten Mal.
In de eerst dree Johren as Profi is Roger Swerts, de en hervörragen Tietfohrer weer, för dat Mercier-Radsportteam mit Poulidor fohren, kunn sück as Belgier ünner Franzoosen aber nich dörsetten. Ansluutend fohr he för vun Merckx domineert Teams un kunn sien Talent nich entfalten, wessel de Teams, kehr aber later in en Team mit Merckx torüch. Söbenmal hett he an de Tour de France deelnommen, sien best Platzeeren weer de 14. Rang 1972. Bi disse Tour wunn he ok de Bargwertung an den Col du Tourmalet. Bi de Vuelta a España keem he 1973 up Platz 9 un 1974 up Platz 10 in de Gesamtwertung.
Nah dat Enn vun sien aktiv Radsport-Karriere 1978 wurr Swerts Chauffeur vun en belgischen Minister, ansluutend Sportlicher Baas vun verscheeden Radsportteams.
Literatur
ännern- Herman Laitem, Jozef Hamels: De Tricolore Trui. 1882–2007. 125 Jaar Belgische Kampioenschappen. Pinguin Productions u. a., Balegem u. a. 2008, ISBN 978-90-73322-21-9, S. 175f.