Hauptmenü öffnen
Rolf Hoppe in’n Februar 2009

Rolf Hoppe (* 6. Dezember 1930 in Ellrich, Harz ;14. November 2018 in Dresden) weer en düütschen Schauspeler.

Inholtsverteken

Leven un WarkÄnnern

Hoppe is de Söhn vun en Bäckermeester un hett na sien Bäckerlehr in den Beroop arbeit, weer blangento aver ok Kutscher (1945-1948). In Erfurt hett he en Schauspeelstudium an’t Staatliche Zentralkonservatorium afleggt un hett dorna toeerst as Deerpleger bi’n Zirkus Aeros arbeit. An’t Institut för Spreekwetenschop an de Martin-Luther-Universität Halle-Wittenberg in Halle (Saale) hett he sien Stimm utbilln laten un kreeg dorna en Verdrag an’t Theater der jungen Garde in Halle as ok an’t Theater der Jungen Welt in Leipzig. Wietere Statschonen weern dat Staatstheater Dresden (siet 1961), dat Düütsche Theater Berlin (twüschen 1970 un 1975), de Soltborger Festspelen, de Swiez, Italien un China.

Internatschonal bekannt worrn is Hoppe 1981 dör sien Rull as Hermann Göring in den Speelfilm Mephisto. He harr vele Rullen in Feernseh- un Speelfilmprodukschonen, weer aver faken Spreker in Höörspelen för Kinner as tovn Bispeel dat witte Kaninken in Alice im Wunderland (orig.: Alice’s Adventures in Wonderland) oder de Wind, de in’t Määrken Vun den Fischer un sien Fru GEschichten vertellt.

Hoppe wahnt in Dresden-Weißig. He is Theaterbaas vun’t Hoftheater Dresden, en Kamerheater, dat in en ehmoligen Buernhoff in Weißig ünnerbröcht is. In’t Johr 1995 hett he mit de Vision vun solk en Theater en Vereen grünnt, den Hoff köfft un an den Vereen spennt. De Speelplaan geiht na den kiünstlerischen Ansprook vun Hoppe. Deelwies speelt he ok sülvst, as to’n Bispeel Anfang 2007 in Vater Wiecks Liebe, wo in dat üm den Vadder vun Clara Wieck un Schoolmeester vun Robert Schumann geiht.

In’t Slott Weesenstein hett he en musikaalsch-literarische Reeg (Dresdner Dreiklänge) ingang bröcht. Dor leest he Määrken, Balladen un Geistergeschichten. 2010 is butendem de Toondräger Hoppe spricht Schöne Frühlingslieder[1] rutkamen.

Hoppe weer verheiraat un harr twee Döchter. De jüngere dorvun, Christine Hoppe, is ok Schauspelersche.

Filmografie (Utwahl)Ännern

UttekenÄnnern

Hoppe is för sien künstlerisch Wirken mit eenige Priesen uttekent worrn:

LiteraturÄnnern

  • Eberhard Görner: Der Schauspieler Rolf Hoppe. Henschel, 1996, ISBN 3894872535

BornsÄnnern

  1. Fröhjohrsleder op Frühlingslieder.com (afropen an’n 19. Juni 2010)

WeblenkenÄnnern