Romanus (Paapst)

Romanus weer in dat Johr 897 Paapst. Wannehr he wählt wurrn is, weet man aber nich. De Inthronisatschoon funn in' August 897 statt, dat Enn' vun sien Pontifikat wurrd up November 897 dateert, wobi nich klärt is, of Romanus storven is – in dissen Fall weer he mögelkerwies vergift wurrn – oder afsett wurr, in den Fall drüff he woll as Mönk wiederleevt hemm.

Paapst Romanus

De Wahl vun Romanus, de tovör Kardinalpreester vun San Pietro in Vincoli ween weer, passeer vör den Achtergrund vun de Utnannersetten um de Rechtmäßigkeit vun dat Pontifikat vun Formosus, de ehrn Hööchpunkt in de Liekensynode in' Sömmer 897 funn. Disse vun den Amtsvörgänger vun Romanus, Paapst Stephan VI. dörführt Schauprozess hett de Anhänger vun Formosus wöst maakt, un man nimmt an, dat de Inthronisatschoon vun Romanus up ehr Bedrieven tostannen kommen is.

Wiels sien kört Pontifikat hett Romanus de Amtshanneln vun sien Vorgänger för nichtig verklort; de Rehabilitatschoon vun den Formosus bleev aber sien Nahfolger, Paapst Theodor II. vörbehollen.

Literatur

• Bruno W. Häuptli: Romanus. In: Biographisch-Bibliographisches Kirchenlexikon (BBKL). Band 22, Bautz, Nordhausen 2003, ISBN 3-88309-133-2, Sp. 1163–1164
• Vito Loré:Romanus In: Massimo Bray (Hrsg.): Enciclopedia dei Papi, Istituto della Enciclopedia Italiana, Band 2 (Niccolò I, santo, Sisto IV), Rom 2000, OCLC 313581688, S. 50–51 (italieensch)

Weblenken

Romanus. Mehr Biller, Videos oder Audiodateien to’t Thema gifft dat bi Wikimedia Commons.

• Romanus In: Salvador Miranda: The Cardinals of the Holy Roman Church, online up fiu.edu, Websteed vun de Florida International University, afropen an’ 11. Oktober 2013 (engelsch)

Vörgänger	Amt	Nafolger
Stephan VI.	Paapst 897	Theodor II.