Ronan Pensec

Ronan Pensec (* 10. Juli 1963 in Douarnenez) is en ehmalger franzöösch Radrennfohrer.

Loopbahn

Pensec weer van 1985 bit 1997 Profi-Rennfohrer. Besünnere Erfolge reck he ünner annern bi de Tour de France, achtmal is he dor antreeden un keem immer bit an’t Enn‘ dör. 1986 wurr he tweet in de Nahwussenwertung un 1988 keem he in de Bargwertung up den 4. Platz. In de Gesamtwertung keem he tweemal ünner de best Teihn.

1990 keem he up de eerste Deelstreck bi de Tour de France gemeensam mit Frans Maassen, Steve Bauer un Claudio Chiappucci vun dat Feld weg. De veer harrn an’t Enn‘n 10 Minüüt Vörsprung up de Favoriten. Frans Maassen hett de Deelstreck woll wunnen, Pensec aber kunn dat geel Trikot vun den Gesamtführenden an sien Gebortsdag un den Dag dornah dragen.

Nah dat Enn’n vun sien aktiv Karriere hett he as Berader för dat franzöösch Feernsehn arbeit. He weer ok Präsident vun dat franzöösch Team Bretagne-Schuller.