Dat Ronolulu Rodenborg is en Swemmbad in Rodenborg in’n Landkreis Rodenborg, dat von de Stadtwarken Rodenborg bedreven warrt. Dat liggt an de Nödenstraat dicht bi dat Över von de Wümm.

Dat Hallen- un Freebad, dat de Stadt Rodenborg tohöört hett, hebbt de Stadtwarken Rodenborg 1985 övernahmen. Dat Bad is 1992/1993 kumplett ümboot worrn un hett denn den Naam Ronolulu kregen.

Dat Ronolulu hett binnen en Becken von 25 m x 12,50 m mit 5 Bahnen, en Nichswemmerbecken von 20 m x 10 m, de Een- un Dree-Meter-Breder un den Fiev-Meter-Toorn mit Sprungbecken von 12,40 x 10,70 m, en 29,0 m² groot Planschbecken för ganz lütte Kinner, en 5 x 2,50 m groot Kinnerbecken un en 84 Meter lange Waterrutsch, de in en egen, sied Rutschenbecken ennt, dat 17 m² groot is.

Buten gifft dat en 15 Meter breed 50-Meter-Becken, en 516 m² groot Beleevnis-Becken, en 12 Meter lange un dree Meter brede Rutsch un en 110 m² groot Becken för ganz lütte Kinner. De Beckens buten sünd von Mai bet Enn September apen.

Tosätzlich gifft dat noch en Saunalandschop mit twee Saunas, en Dampbad, en Sanarium un en Soolbecken.

Weblenken ännern


Koordinaten:53° 7′ N, 9° 24′ O