Roscoe Tanner
Roscoe Tanner (* 15. Oktober 1951 in Chattanooga) is en ehmalger US-amerikaansch Tennisspeler.
Sien gröttst Erfolg as Tennisspeler weer 1977 de Gewinn vun de Australian Open tegen Guillermo Vilas. As Serve- un Volleyspeler kunn he am besten up Rasenplatzen spelen un so keem he ok 1979 in’t Endspeel vun Wimbledon, wo he den grooten Björn Borg an den Rand vun en Niederlaag broch.
He wunn insgesamt 16 Tennisturniere un 1981 mit dat amerikaansch Team den Davis Cup. 1984 hett he sien Karriere beend.
As eenig fröhere Tennisprofis keem he nah dat Enn’ vun sien Karriere aber nich mehr mit dat Leven torecht un harr fortwährend finanzielle Probleme. 2003 wurr he vun en Gericht in Florida to 10 Johren up Bewährung veroordeelt, wiel he Scheckbedruch begahn harr, Buterdem stunn he wegen swoor Diebstahl un Oorkunnenfälschung vör Gericht. Ok Ünnerhalt för sein Dochter hett he nich betallt. 2006 muss he för twee Johr in’t Gefängnis, wiel he tegen Bewährungsuplaagen verstött harr. Ok dornah keem he immer weer mit dat Gesett in Konflikt.