Ruden

Dat Ruden, Rugen oder Rusen, ok Feddern nömmt, is dat Afsmieten un Tuuschen vun de Feddern bi Vagels. Hen un wenn warrt dor ok, unner hoochdüütschen Infloot, Musern, Mutern oder Mausern to seggt.

Jungen Königspinguin bi dat Ruden vun dat Duunkleed na dat Jugendkleed.

Feddern versliet un mütt vundeswegen in bestimmten Afstand afsmeten un nee ansett weern. Stüürt warrt dat Ruden dör Hormone. De Hormonproduktschoon hangt af vun allerhand Indrück vun buten, as Temperatur, Licht un wielang de Dag is, un ok vun dat Freten. Meist weer de Feddern Stück um Stück uttuuscht, faken na en sunnerlich System. So könnt de Vagels ok bi dat Ruden wieter flegen. Man en Reeg vun Aarden kann bi dat Ruden nich flegen, vunwegen, datt de groten Feddern binnen ganz korte Tied (faken man bloß en poor Dage) heel un deel afsmeten weert un denn ok up een Mol nawassen doot. Düsse Aart vun Ruden gifft dat u. a. bi de Aantenvagels.

Literatur

Waart vun de Graue Aant in sien staatsch Fedderkleed

Waart vun de Graue Aant bi't Ruden

Waart - dör sien gelen Snavel vun de Aanten to unnerscheden - vun de Graue Aant in't Slichtkleed

• Lars Svensson: Identification Guide to European Passerines. 4. Uplage. Ugga, Stockholm 1992, ISBN 91-630-1118-2.
• G. Hummel: Anatomie und Physiologie der Vögel. Eugen Ulmer, Stuttgart 2000, ISBN 3-8252-2144-X, S. 203–204.
• Ute Hahn: Vogelkrankheiten- Ursachen, Erkennung, Behandlung. M. & H. Schaper, Allefelle-Hannober 1992, ISBN 3-7944-1001-7.

Weblenken

Vagels bi dat Ruden. Mehr Biller, Videos oder Audiodateien to’t Thema gifft dat bi Wikimedia Commons.

• Ruden bi Grauaanten