Rungna

Rungna (koreaansch 릉라) is en 1,3 km² groot Warder in’n Stroom Taedong in Noordkorea. Dat is en Deel von de Höövdstadt Pjöngjang, Stadtdeel Chung-guyŏk. Mit dat rechte un linke (Stadtdeel Taedonggang-guyŏk) Över von’n Taedong is de Warder över de Rungna-Brügg un de Chongryu-Brügg verbunnen.

Rungna, von’n Juche-Toorn ut keken

Op den Warder liggt dat Maidag-Stadion, dat Platz för 150.000 Lüüd hett. Ans gifft dat noch en Boompark, en Topiari-Goorn un en Zoo. Op Rungna liggt ok dat eerste Waterwark von Pjöngjang, dat de Japaners 1900 boot harrn.

Weblenken

Rungna. Mehr Biller, Videos oder Audiodateien to’t Thema gifft dat bi Wikimedia Commons.