Ruud Gullit (* 1. September 1962 in Amsterdam as Rudi Dil) is en ehmalger nedderlannsch Footballspeler un -trainer vun surinameesch Afstammen.

De Middelfeldspeler un Störmer speel in sien Jöögd för Meer Boys Amsterdam un bit 1979 för Amsterdamsche FC DWS. 1979 wessel he to HFC Haarleem, wo he bit 1982 bleev. Dornah speel he bit 1985 för Feyenoord Rotterdam, bevör he to PSV Eindhoven wessel, wo he bit 1987 bleev. Ansluutend wessel he in’t Utland. Sien eerst Statschoon weer 1987 bit 1993 de AC Mailand. Denn folg noch een Johr bi Sampdoria Genua. Van 1995 bit 1998 speel he för den FC Chelsea, eerst blots as Speller, denn as Spelertrainer. Doran ansluutend weer he noch för een Saison Trainer bi Newcastle United. Denn wessel he to den nedderlannschen Footballverband un weer dor eerst för de U19-Mannschap tostännig un 2004 weer he Co-Trainer vun de A-Mannschap. Dornah weer he noch as Trainer bi Feyenoor Rotterdam (2004/05), LA Galaxy (2007/08) un Terek Grosny (2011), bevör he 2017 weer Co-Trainer in de Nedderlannen wurr.

För de nedderlannsch Natschonalmannschap hett he van 1981 bit 1994 insgesamt 66 Lännerspelen maakt un dorbi 17 Doren schaaten. 1988 wurr he mit de Natschonalmannschap Europameester un nehm ok 1992 an de EM deel. 1990 nehm he an de Football-Weltmeesterschap deel.

EhrungenBearbeiten

  • 1983 Footballer vun dat Johr in de Nedderlannen
  • 1986 Footballer vun dat Johr in de Nedderlannen
  • 1987 Footballer vun dat Johr in Europa
  • 1988 Ridder vun den Orden vun Oranien-Nassau

BornsBearbeiten