São Lourenço dos Órgãos (Distrikt)

São Lourenço dos Órgãos is en Verwaltensrebeet (Concelho) vun’t Eiland Santiago in de Republiek Kap Verde. De Concelho ümfaat blots de een Karkengemeen São Lourenço dos Órgãos. De Sitt vun de Verwalten is in João Teves.

Laag vun’n concelho in Kap Verde

Geografie

De Distrikt is bannig jung, vun wegen dat dat Rebeet eerst in’t Johr 2005 vun den Concelho Santa Cruz in’n Oosten vun’t Eiland afsplitt worrn is. De Distrikt umfaat blots de Lännereen rund üm de gliek nöömte Stadt São Lourenço dos Órgãos.

De Concelho liggt mittenang dat Eiland. De Landschap is bargig, vun wegen dat dat Rebeet angrenzt an dat Naturschuulrebeet Serra de Pico da Antónia wieter in’n Westen. Blangen de Distrikthööftstadt João Teves mit den Sitt vun de Verwalten un São Lourenço dos Órgãos gifft dat op dat Rebeet blots noch en poor Dörper, de keen grode Bedüden hebbt. Dör dat Rebeet löpt aver en wichtige Stratenverbinnen, de Tarrafal in’n Noorden mit Praia in’n Süden vun’t Eiland verbinnt. In São Lourenço dos Órgãos sülvst twiegt wieter ok een Straat af, de na Pedra Badejo an de Oostküst föhrt.