Süüdgeorgien-Pieper
De Süüdgeorgien-Pieper (Anthus antarcticus) is en Vagel vun de Grött vun en Lüünk, de blot op de Eilannen vun Süüdgeorgien leevt. Dat is de eenzige Singvagel vun de Antarktis un överhaupt de eenzige de eenzige Vagel op Süüdgeorgien, de keen Seevagel is.
| Süüdgeorgien-Pieper | ||||||||||
|---|---|---|---|---|---|---|---|---|---|---|
 | ||||||||||
| Systematik | ||||||||||
| ||||||||||
| Wetenschoplich Naam | ||||||||||
| Anthus antarcticus | ||||||||||
| Cabanis, 1884 |
He leevt in dat Tussock-Grasland, dat in de sieden Delen vun Süüdgeorgien wasst, un boot sien Nesten ut dröög Gras un leggt elk Johr veer Eier. Freten deit he Insekten, Spinnen un Deerten, de an de Küst answemmt warrt, Krabben to’n Bispeel.
Natürliche Feenden hett de Vagel normal nich. Af un to doot sik aver Antarktis-Skuas een vun de Piepers snappen. De Vagel hett aver temlich ünner de Rötten to lieden, de de Minsch na Süüdgeorgien bröcht hett. De Rötten doot de Eier opfreten. Dat warrt dorvun utgahn, dat dat so 6000 bet 8000 vun de Vagels op Süüdgeorgien gifft. De leevt all op Eilannen vör Süüdgeorgien oder in Delen vun Süüdgeorgien, de dör Gletschers vun’n Rest afsperrt sünd, so dat dor keen Rötten henkaamt. Wo de Rött vörkuumt, is de Vagel utstorven. De Süüdgeorgien-Pieper warrt vun de IUCN as an’e Kant to bedroht ansehn.
Kiek ok bi
ännern- List vun Vagels, mit allerhand plattdüütsche Vagelnaams un Naams ut de Naberspraken
- Projekt: Deerternaams up Platt