Sambo (Russ'sch: самбо) is een Soort van Fechtsport, wor it dree Varianten van gifft: Sport-Sambo (russ'sch Борьба Самбо) is een Soort van Wröstelsport, in Freestyle Sambo kaamt noch anner Wröstel-Techniken dorto (sünnerlich Judo-Techniken för't Würgen), in Compat-Sambo (Боевое Самбо) warrt nich blots wrangelt, man ook Stöten, Slagen en Trappen sünd verlööft. Sambo-Sportlers warrt Sambokas nöömt.

Historie ännern

Sambo is een Acronym van de russ'sch Wöörd 'SAMooborona Bez Oroezjia’ (САМооборона Без Оружия). Dat heet "Sülfdefenz sünner Wapens". Sambo würr in de 1920er en 1930er Johrn in de Sowjetunion (russ'sch Союз Советских Социалистических Республик (СССР))uutwickelt uut verschillig Fechtsporttechniken, to'n Bispill Techniken uut Judo (japaansch 柔道) of dat klassisch Wrösteln uut Europa. In Sambo is dor keen Gördelsystem, as dat in veel Soorten van asiat'sch Fechtsport bigäng is.

Varianten ännern

Sport-Sambo ännern

Een Partie Sport-Sambo duurt söss Minüten. Teel is dat dör Techniken Punten to kriegen. Wenn een twölf Punten Vörsprung hett, hett he wunnen. Anners warrt keken, wokeen mehr Punten binnen de 12-Minüten-Partie maakt hett. Hebbt beid Kombattenten liek veel Punten, warrt de Partie verlängt.

Freestyle-Sambo ännern

Dat ook Judokas en anner Wröstlers bi Sambo-Turnieren mitdoon köönt, warrt Freestyle-Sambo-Turniern anbaden. Dor sünd ook Techniken verlööft, wat in Judo bigäng sünd, man nich in Sport-Sambo.

Combat-Sambo ännern

In dat Combat-Sambo dröfft de Sportlers ook mit Beens en Arms slagen, stöten en trappen. Fröher würr dat Deel binnen de Sportlexen van Spetsnaz en KGB.

Weblinks ännern