Sanddamm
Sanddamm weer fröher en Gemeen in’n Landkreis Bremervöör. De ole Gemeen hett sik tohoopsett ut de veer Öörd Hönau, Lindörp, Neendamm un Isheim.
Historie ännern
De veer Moorkolonien Hönau, Lindörp, Neendamm un Isheim sünd 1929 to een Gemeen tohoopslaten worrn. Disse Gemeen hett den ne’en Naam Sanddamm kregen. De Naam kummt af von de Straat, de vondaag de Kreisstraat 105 billt. An disse Straat langs sünd de veer Öörd as Stratendörper anleggt worrn un de Weg hett denn Bremervöör un Loomst verbunnen. De Weg weer fröher nich plaastert un is jümmer wedder mit Sand ophöögt worrn un hett en Damm dör dat Moor billt.
To’n 1. Oktober 1949 is de Gemeenverband von de veer Öörd denn aver wedder oplööst worrn.[1] Ut Hönau un Lindörp is de Gemeen Hönau-Lindörp billt worrn un ut Neendamm un Isheim de Gemeen Isheim.
Inwahnertall ännern
| Johr | Inwahners |
|---|---|
| 1933[2] | 602 |
| 1939[2] | 605 |
| 30. September 1949[1] | 956 |
Footnoten ännern
- ↑ a b Neues Archiv für Niedersachsen. Band 3, W. Dorn, 1949, Sied 871
- ↑ a b http://www.verwaltungsgeschichte.de/bremervoerde.html
Koordinaten:53° 32′ N, 9° 8′ O