De Sarcee (ok Tsuu T'ina, Sarsi, Tsu T'ina) sünd en Indianervolk in Kanada ut de athapaskische Spraakfamilie. In 18. un 19. Johrhunnert leevten se an de bövere Saskatchewan- un Athabaska River un weern de nöördlichste Stamm ut de Plains-Kultur. Hüdtodag leeven se in de Reservatschoon Tsuu T'ina Nation 145, wat an de süüdwestlich Stadtrand vun Calgary liggt un 283,14 km² groot is. Bi de Vokszählung vun 2001 hebbt se 1.982 Lidmaaten tellt.

Wohrschienlich trucken de Sarcee an’ Enn’ vun dat 17. Johrhundert süüdwärts in disse Region und wurrn de nöördlich Nahbers von de Siksika (ok Blackfoot nömmt), de hör tegen de Fiende schützt hebbt. Ehr Naam kummt vun de Blackfoot un bedüüd "nich good". De Sarcee hebbt wesentliche Markmalen vun de Blackfoot-Kultur övernommen, so as de Sünnendanz-Zeremonie. Tabak weer de eenzigst Feldfrucht un wurr zeremoniell anboot. De Sarcee wahnen in Tipis un leevten vun de Büffeljagd. Mit de Kiowa weern se good Fründ, bevör de um 1700 herüm wegtrucken sünd. Völ Striet geev dat mit de Cree aber ok anner Stämme hebbt hör immer mal weer angrepen. De Inwahnertall wurr ok dör Epidemien as Pocken un Scharlach in’ 19. Johrhunnert minneseert. In de Verdrag vun 1877 hebbt de Sarcee tosommen mit de Siksika un de Alberta-Assiniboine hör Jagdgründe an de Regeeren in Kanada aftreden un sünd 1880 in en Reservat trucken.

Wiels dat Reservat dicht bi de Stadt Calgary liggt, keem un kummt dat aber immer noch to Konflikten. So kunn 2005 een Umgehungsstraat, de dör dat Reservat vun de Sarcee föhrt harr, nich baut wurrn. Up de anner Siet dröft de Sarcee kein Indianerkasino baun, wiels de Stadt Calgary dordör en Tonahm vun Straatenverkehr befürchten deiht.

Weblenken ännern

Kiek ok ännern

Literatur ännern

  • Raymond J. DeMallie (Hrsg.): Handbook of North American Indians, Vol.13 Plains, Smithsonian Institution Press, Washington 2001. ISBN 0-16-050400-7