Satoshi Ōmura (japaansch: 大村 智, Ōmura Satoshi; * 12. Juli 1935 in de Präfektur Yamanashi) is en japaansch Biochemiker, de 2015 den Nobelpries för Physiologie oder Medizin tospraaken kregen hett. He is bekannt för dat Opdecken un Entwickeln vun verscheeden oorsprünglich in Mikroorganismen vörkommen Pharmazeutika.

Satoshi Ōmura

Leven ännern

Ōmura hett Chemie an de Naturwetenschaplich Universität Tokio studeert, wo he 1963 sien Diplomafsluss maakt hett un 1968 sien Doktertitel in Pharmazie un 1970 sien Doktertitel in Chemie kreeg. Af 1963 forsch he an de Universität Yamanishi un af 1965 weer he an dat Kitasato Institut in Tokio tätig. 1990 bit 2008 weer he Präsident vun dat Institut. Buterdem is he siet 2005 Perfesser an de Wesleyan University.

He is bekannt för de Entwicklung vun nee Techniken in de Kultiveeren vun Bakterien un Pilzen (as dat de Avermectine produzeeren Bakterium Streptomyces avermetilis un de sien Gensequenzeeren) un Techniken för de Söök nah nee Arzneistoffen ünner de Stoffwesselprodukten vun Bakterien un Pilzen un deren Biosynthees. Insbesünnere is he för de Erforschung un Entwicklung vun Antibiotika ut Makroliden bekannt (as eben Avermectine). Avermectin un sien Derivat Ivermectin wurrn en bannig spoodriek Middel gegen de besünners in den Tropen verbreedt Würmkrankheiten un annern Parasiten (en Anthelminthikum gegen Nematoden un Ektoparasiten as Lüüs un Milben). Dat deent in’ Rahmen vun en Programm vun de WHO to dat Bekämpen vun de Onchozerkose (Stroomblindheit).

He hett över 400 biologisch aktiv Substanzen opdeckt, dorünner Antibiotika (as de Erythromycin-Derivate) un Enzym-Inhibitoren (as den Proteinkinase-Inhibitor Staurosporin), de deelwies to neeoordig Anti-Krebsmedikamenten führen deen, Medikamente för de Deertenmedizin un Plantenschuulmiddel.

As Hobby speelt he Golf un is Skiwanderer un befaat sück mit de Kalligraphie. He is in Japan en bekannt Förderer vun japaansch Kunst.

Ehrungen ännern

1997 kreeg he de Robert-Koch-Medaille. Buterdem kreeg he de Charles-Thom-Medaille vun de Society for Industrial Microbiology, den Prinz-Mahidol-Pries in Thailand, den Nakanishi-Pries vun de japaansch un US-amerikaansch chemischen Sellschoppen, den Ernest Guenther Award (2005) vun de American Chemical Society, den Hamao Umezawa-Pries vun de International Society of Chemotherapy, den japaanschen Akademie-Pries, Canada Gairdner Global Health Award (2014) un den Nobelpries för Physiologie oder Medizin (gemeensam mit William Cecil Campbell un Tu Youyou, 2015).

Satoshi Ōmura is siet 1973 Mitherutgever un siet 2004 Herutgever vun dat Journal of Antibiotics.

He is Liddmaat vun de japaansch chemischen Sellschopp, de American Society of Biochemistry and Molecular Biology un de Royal Society of Chemistry as ok de Leopoldina, de National Academy of Sciences, de Academia Europaea, de Chinesische Akademie vun de Ingenieurwetenschapen, der Académie des sciences un de Japaansch Akademie vun de Wetenschapen.

2007 wurr he Ridder vun de Ehrenlegion in Frankriek.

Schriften ännern

  • Herutgever: Macrolide Antibiotics: Chemistry, Biology and Practice. 2. Uplaag, Academic Press, 2002

Weblenken ännern