Schachbrett

Schachbrett as Diagramm

En Schachbrett is en Brett för’t Schachspelen. Dat hett acht Regen un acht Striepen vun Quadraten in twee Klören. De Klören warrt swatt un witt nöömt, ok wenn se dat nich jümmers sünd. Dat is noog, wenn de een Klöör hell un de annere düüster is.

Schachbrett mit Schachfiguren

Schachbreed gifft dat ok för buten.

Dat Brett warrt jümmers so opstellt, dat ut de Sicht vun de Spelers rechts buten en witt Feld is. De Grött vun’t Brett is so maakt, dat se to de Schachfiguren passt.

Dormit een de Schachpartien ok opschrieven kann, hebbt de Feller elk en Naam. Ut den Standpunkt vun den witten Speler hebbt de Striepen vun links na rechts de Bookstaven a bet h un de Regen hebbt de Tallen 1 bet 8. De 1 is dorbi glieks bi den witten Speler.