Schiffswerft Diedrich

De Schiffswerft Diedrich GmbH & Co. KG is ene Warft in Ollersum.

De Warft hett annertiet vele van de Fähren na de oostfreeschen Eilannen boot. Se harr bet an’t Enn van de 1980er Johren meist so 100 Arbeiders, wat in den Oort van 1600 Lüüd en wichtigen Weertschopsfaktor weer.

In de verleden Johren hett de Diedrich-Warft kuum mehr ne’e Scheep utlevert. De Warft hett meist blots noch Scheep in Reparatur nahmen. 2006 arbeiden 18 Lüüd op de Warft un de Ümsatz leeg bi üm un bi 2,5 Millionen Euro. Dat Ünnernehmen plaant ok wedder Fähren för de oostfreeschen Eilannen to boon.

De Warft hört hüüt welk Firmen ut de Region to. Dat sünd ünner annern de AG Reederei Norden-Frisia, de Baltrum-Linie, de Elektrotechnischen Werke Rolf Janssen in Auerk (de ok as Schippbotoleverer arbeidt) un dat Waterboünnernehmen Gebrüder Neumann ut Emden.