Seestäer
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 27337 | |
| Vörwahl: | 04233 | |
| Geograafsche Laag: | Koordinaten:52° 55′ N, 9° 8′ O52° 55′ N, 9° 8′ O | |
|
| ||
Seestäer (hoochdüütsch Seestedt) is en lütten Oort in de Gemeen Blenner (Samtgemeen Thänhusen) in’n Landkreis Veern, Neddersassen.
Geografie ännern
De Oort liggt in de Masch von de Werser, de üm un bi 2,5 Kilometer in’n Oosten langsflütt. Dat Water ut dat Rebeed flütt över de Blenner Emte af.
De Naveröörd sünd Blenner in’n Noordoosten, Vaste in’n Oosten, Öste in’n Süüdoosten, Eßendörp in’n Süden, Hustäe un Holbm in’n Süüdwesten, Einste un Lake in’n Westen un Hidzdörp in’n Noordwesten.
Historie ännern
Verwaltungsgeschicht ännern
De Oort hett vör 1852 to de Vaagdie Intschen in dat Amt Wessen-Thänhusen tohöört un denn von 1852 bet 1859 to dat Amt Swarm. As dat Amt Swarm 1859 oplööst worrn is, keem Blenner mit Seestäer an dat Amt Veern. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort höört von öllers bi de Gemeen Blenner mit bi, de an’n 1. Juli 1972 mit de Gemeenreform in Neddersassen noch wedder düüdlich grötter worrn is.
Inwahnertall ännern
| Johr | Inwahners |
|---|---|
| 1. Dezember 1871[1] | 160 Lüüd, 28 Hüüs |
| 1. Dezember 1885[2] | 70 Lüüd, 13 Hüüs |
| 1. Dezember 1905[3] | 47 Lüüd, 10 Hüüs |
Religion ännern
Seestäer is evangeelsch-luthersch präägt un höört to dat Kaspel von de Kark in Blenner.
För de Kathoolschen is de St.-Josef-Kark in Veern tostännig.
Weertschop un Infrastruktur ännern
För Seestäer is de freewillige Füürwehr Blenner mit tostännig.
Verkehr ännern
Seestäer is över lüttjere Straten anbunnen an de Landsstraten L 202 un L 203. De L 202 föhrt in’n Süüdwesten över Einste un Hustäe na Mattfeld un Brooksen-Vilsen. De L 203 löppt in’n Noordwesten över Wulmsdörp un Morsen na Thänhusen un in’n Oosten över Groten Huttbargen un Hänsch na Veern.
De nächste Autobahn is de Autobahn 27 (Afsnidd Bremen–Wasra). De Opfohrt 24b Langwedel liggt so twölv Kilometer in’n Noorden von Seestäer an de K 9.
De nächste Bahnhoff is so bi negen Kilometer wied weg in’n Oosten de Bahnhoff Veern an de Bahnlien Langwedel–Bremen.
Footnoten ännern
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 162
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1885. Verlag des Königlichen statistischen Bureaus, Berlin 1888, Sied 173
- ↑ Gemeindelexikon für das Königreich Preußen. Auf Grund der Materialien der Volkszählung vom 1. Dezember 1905. Verlag des Königlichen statistischen Landesamtes, Berlin 1908, Sied 180