Sellschop
Dit Woort hett noch annere Bedüden: kiek dorför ünner Sellschop (Mehrdüdig Begreep).
Ene Sellschop is meest ene Gruppe Minschen, de över lange Tid med en ander tohoopwärket oder ene grote sotschale Gruppe, de sik gemeensam een Gebeed deelt, normalerwise under den liken politschen Systeem levet un dör dominante kulturelle Weerde verbunnen is. Een Kennteken för Sellschoppen is een gemeensam Munster för sotschale Kuntakte twischen Minschen, de to verscheden Kulturen oder Institutshonen tohöört; ene bestimmte Sellschop kann een as de Summe van allen düssen sotschalen Kuntakten twischen sienen Liddmaten beschrieven.
.jpg)
.JPG)
Minschlike sotschale Strukturen sind kumplex un stark up Kooperatschoon uut, to’n Bispeel Arbeed uptodelen oder in Form van sotschale Rullen un ander Munster, de wisse Aarden Benimm för passlik oder unpasslik bstimmen. Düsse Normen rund ümme dat Bedregen in ene Sellschop sind de sotschalen Normen. So wied ene Sellschopp good tohoopwärket, kann se för de Liddmaten mööglik maken meer beschickt to kreigen as een Individuum alleen könne.
Sellschoppen underscheed sik ook na den technoloogschen Niveau un de weerdschoplike Aktiviteet. Grötter Sellschopen köönt vele verscheden Formen to regeren hebben, verscheden Aarden Familie un ook underscheedlike Geslechterrullen. Dat minschlike Bedregen underscheed sik stark twischen verscheden Sellschoppen; Minschen formt Sellschop, man Sellschop formt ook den Minschen.